Sot në Bratilë në mënyrë simbolike u bënë homazhe me rastin e 112 vjetorit të Kryengritjes së Malësisë.
Në këtë shtegtim prezent ishte kryetari i LDSH-së, Nikollë Camaj,, nënkryetari i komunës së Tuzit, Ivan Ivanaj, drejtori i QKI “Malesia”, Vasel Berishaj, si dhe disa aktivistë nga LDSH, të cilët sipas traditës vizitojnë këtë vend historik.
Lexoni postimin e plotë nga LDSH-ja:
Bratila-kështjellë e lirisë
6 prill 1911-6 prill 2023
Sot mbarë populli i Malësisë, me krenari përkujon 112 vjetorin e ditës më të lavdishme në historine e vet. Në këtë ditë, për herë të parë pas 500 vjet robëri, u ngrit flamuri i kuq, me shkabën dy krenare në mes.
Sakrificat mbinjerëzore dhe gjaku i derdhur e shënuan këtë ditë, e cila nuk do të harrohet kurrë, derisa të rrjellin shekujt, motet dhe Cemi i Malësisë.
Lavdi prijësit të Kryengritjes, trimit dhe heroit kombëtarë Ded Gjo Lulit! Lavdi trimave dhe dëshmorëve që ranë këtë ditë, për lirinë e Malësisë dhe të shqiptarisë.
Edhe sot, si çdo vit më parë, aktivistët e LDSH-së, por edhe qytetarë të tjerë, vizituan këtë vend pelegrinazhi për të gjithë ata që e kanë kombin në zemër.
Zyra për marrdhënie me publikun
Malesia.org
