Artsiti i ri nga Tuzi/Malësia talentin e tij e shfrytëzon edhe për të pikturuar disa nga njerëzit e famshëm
Rrjetet sociale përveç komunikimit, sot janë bërë edhe një urë lidhëse ndërmjet artistëve dhe publikut. Aq më tepër kur është fjala për artistë të rinj të cilëve përmes kësaj forme po iu ofrohet mundësia që ta promovojnë punën e tyre. Ngjajshëm edhe artisti i ri Leon Gorvokaj nga Tuzi, i cili ka talent në art, punimet e tij i fotografon dhe i poston në Instagram.
Falë punës së tij ai ka mbledhur rreth vetës shumë ndjekës. Leoni për rtv21.tv ka treguar se me art është marrë qysh në fëmijëri, por që pesë vite e ka trajtuar më seriozisht. “Më parë arti ka qenë vetëm hobi por me kalimin e kohës e pashë që është një pjesë e imja dhe vazhdova të merrem seriozisht me art kështu që edhe fillova të studioj artet vizuale”, ka thënë ai, duke shtuar se mbështetësit më të mëdhenj kanë qenë prindërit dhe të gjithë dashamirësit e artit të tij. “Kur bën piktura dhe njerëzit adhurojnë punën tënde u pëlqen puna jote kjo është dhe një mbështetje shumë e madhe psiqike kur fiton komente pozitive në punën që bën”, ka treguar Gorvokaj.
Instagrami i Leonit është i mbushur me portrete nga më të ndryshmet, prej njerëzve të zakonshëm e deri tek të famshmit. “Po në përgjithësi vizatoj njerëz të famshem për shkak të reklamës dhe i realizoj të gjitha me dëshirë të madhe ama bëj dhe punime që nuk i postoj në rrjetet sociale”, ka thënë artisti, i cili ka një arsye pse pjesën tjetër të punimeve nuk i publikon, pasi që ka në plan që ta hap një ekspozitë.
Hobin e tij qysh nga fëmijëria ai ka vendosur edhe ta studioj, është student i “Universitetit Mediteran” në Podgoricë.
Leoni tregon se është i inspiruar pothuajse nga gjithçka që e rrethon. Kurse për t’i realizuar portretet ai përdorë të gjitha teknikat, por më shumë ngjyrat e drurit në letër ./21Media/MALESIA.ORG/
