Zgjedhjet në Kosovë, koalicioni PAN fitues me 34 %

Koalicioni i PDK-së, AAK-së dhe partisë Nisma ka fituar 34 për qind të votave në zgjedhjet parlamentare në Kosovë.

Ndërkaq Lëvizja Vetëvendosje ka fituar 27.1 e cila në këto zgjedhje ka arritur të dyfishojë numrat e votuesve për dallim nga zgjedhjet e fundit dhe bëhët kështu subjekti më i fortë në Kosovë.

Ndërkohë koalicioni i LDK-së, AKR-së dhe Alternativa me 25.7 për qind të votave.

Dalja e votuesve në zgjedhje sipas të dhënave të KQZ-së ka qenë mbi 750 mijë apo rreth 42 për qind qytetarë, derisa të drejtë vote kanë pasur mbi 1 milion e 872 mijë.

Në sheshin Skënderbeu mbrëmë festuan simpatizantët e koalicionit PAN ndërsa në Zahir Pajaziti mbështetësit e Lëvizjes Vetëvendosje.

Njohësit e zhvillimeve politike në Kosovë thonë se vendi mund të futet në bllokadë rreth formimit të Qeverisë së re pasi asnjëra nga subjektet politike nuk kanë fituar më shumë se 35 për qind të votave. Për formimin e Qeverisë së Kosovës, janë të domosdoshme të paktën 61 vota në Kuvend. Koalicioni apo partia fituese, kryesisht llogaritë në koalicione pas zgjedhjeve edhe në pakicat, si kategori kushtetuese e domosdoshme për përfshirje në Qeveri.