Në New York u mbajt orë përkujtimore për veprimtarin Prelë Sinishtaj

Në praninë e një numri të konsiderueshëm pjesëmarrësish nga komuniteti shqiptar në New York me rrethe, më 24 qershor të vitit 2017 u mbajt orë përkujtimore me rastin e vdekjes së Prelë Sinishtaj.

 Orën përkujtimore per të ndjerin Sinishtaj, në bashkëpunim me familjarët e tij, e organizoi Shoqata “Malësia e Madhe”, anëtar i Këshillit Drejtues i të cilës ishte.

Diaspora humbi një anëtar të pazëvendësueshëm të saj, një vizionar e guximtar të idealeve të pastra shqiptare, i cili edhe më tej do të vazhdojë të jetë frymëzim për ne. Ndërkaq, vendlindja atë do ta kujtojë për veprat e tij që vazhdimisht rrezatonin atje ku më së shumti i nevojitej asaj.

Shoqata “Malësia e Madhe” me këtë rast dëshiron të falënderojë të gjithë ata që morën pjesë në këtë orë përkujtimore, që edhe një herë ta kujtojmë angazhimin dhe aktivitetin e të ndjerit Prelë Sinishtaj.

Dëshirojmë të falënderojmë edhe te ftuarit e rastit, të cilët folën për jetën, veprën dhe aktivitetin e në sfera të ndryshme të jetës se tij.

Ejllo Berishaj, kryetar i Shoqatës Malësia e Madhe – New York

 

 

Tags: 
  • Sytki Ndrecaj

    Përshëndes aktivitetin e zhvilluar për nder të Prel Sinishtaj ( aktivist i dalluar i çështjes Kombëtare Shqiptare ) nga Shoqata ” Malësia e Madhe ” në New York me kryetar mikun e bashkëmalësorin tim e tonin së bashku Ejllo Berishaj. E rëndësishme është që gjitha Shoqatat, Organizatat, subjektet politike apo intelektual e veprimtarë të ndryshëm të mos rreshtim së punuari në unison për të nxjerrë në pah gjithë vlerat e duhura se pavarsisht bindjeve politike, krahinore e fetare ne kemi një shtëpi të përbashkët që ka një emër të bukur, të dashtun, tepër krenarë trevë me tradita më të mira siç është treva jonë Malësi e Madhe e aq më shumë me njerëz të mrekullueshë siç kanë qënë, janë e do të jenë kurdoherë malësorët e malësoret tanë të mrekullueshëm. Kurdoherë mirënjohje e respekt për gjithë veprimtarët e palodhur të trevës tonë Malësi e Madhe e mbarë Kombit Shqiptarë. Me respekt Sytki Ndrecaj Koplik, Malësi e Madhe.