UDSH fajëson ASH-në për mos-jetësimin e Marrëveshjes

Pas zgjedhjeve lokale të zhvilluara në Malësi, më 26 nëntor, Alternativa Shqiptare ka ftuar UDSH-në dhe LDSH-në për respektimin e Marrëveshjes që kishin nënshkruar këto subjekte për bashkëveprim pas-zgjedhor.
Edhe pse tre subjektet shqiptare nuk fituan shumicën, ASH-ja i ftoi që të fillojnë negociatat për formimin e pushtetit lokal në Tuz, por me bashkëveprim dhe jo të ndara.

Megjithatë, UDSH-ja tashmë ka paralajmëruar pjesëmarrjen në pushtet, ndërkohë që fajëson ASH-në për mos-jetësimin e Marrëveshjes.

Në përgjigjen e UDSH-së drejtuar ASH-së shkruan:

Unioni Demorkatik i Shqiptarëve si gjithmonë ishte i gatshëm për bashkëpunim, edhe përkundër gjoja kalkulimeve matematikore që sipas Partisë tuaj do të çonin në disfavor të votuesve tuaj dhe humbjes së votave nëse do të bëni koalicion me UDSH-në. Kjo dëshmoi se interesat kombëtare dhe bashkëjetesa në Malësi, nga ana Juaj dhe ASH-së u lanë qëllimisht anash për interesa partiake, prandaj UDSH shpreh indinjatën më të thellë për mosrealizimin e koalicionit parazgjedhor;

– Reagimi i anëtarit tuaj, Z. Nikë Gjeloshaj se UDSH tradhëtoi Tiranën dhe se lista e UDSH-së lirisht mund ti bashangjitet listës së PDS-së dhe të shkrihet sepse as që do të kaloi cenzusin nuk lënë hapësirë bashkëpunimi në nivel lokal, sa i takon Degës së UDSH-së në Tuz, dhe se nuk mund të flitet për një veprim të përbashkët në këtë moment. “

Tashmë është edhe definitivisht e qartë se Marrëveshja e subjekteve shqiptare e nënshkrua në Tiranë, nuk do të jetësohet.

Siç mëson CDM, këto ditë do të fillojnë bisedimet për formimin e pushtetit lokal në Tuz, në mes të DPS-së, Partisë boshnjake dhe UDSH-së, të cilat e kishin pushtetin edhe në përbërjen e kaluar.

Sipas CDM gjithashtu mësohet se në koalicion do të përfshihen edhe Socialdemokratët (SD), por me mundësi që në të të hyjë edhe ndonjë parti tjetër shqiptare.

Bartësi i listës së DPS-së Halil Dukoviq u shprehë se nuk është befasuar me rrjedhjen e ngjarjeve.
Së shpejti do të ulemi e bisedojmë më Partinë boshnjake dhe UDSH-në, dhe besoj që shumë shpejt do të merremi vesh për formimin e qeverisë në Tuz. Besoj që në biseda do të fusim edhe SD-në, por edhe parti tjera shqiptare përveç UDSH-së. Dëshirojmë koalicion të gjërë, që edhe e kemi thënë”, shprehet Dukoviq për CDM. /MALESIA.ORG/

 

Tags: , ,
  • Kosove Rexha Bala

    Alamet akuze e ngarkime fajesh nga UDSH-ja. E paci faqen si boja e shishakut te Malit Zi. Tash qenka kreshpulit, Fadil K… me UDSH-ne, shprehin dhimbje me ahe e me ohe per mos-jetesim te “marreveshjes” dhe te padrejten qe ua paska bere ASH-hi. E tani nga hillerimi, ankthi e zemrimi e leshojne spirancen “padashje” ne porten e DPS-it. …….me faj te ASH-se!
    O, ogurzes!, tere jeten po e kaloni me alishverish, marreveshje dhe veprime te mbuluara e qellime te pandershme anti-shqiptare. Nuk jeni shqiptare por, gabela te bardhe.

  • Miku

    Pata degjua se UDSH dhe ASH para zgjedhjeve ishin ne bisedime per dalje te perbashkt ne zgjedhje, dhe me thane te verteten nuk besova se ishte e vertet, por paska qen e vertet. Fatkeqsi qe kjo nuk ka ndodh. Paska qen nje shans i mir me i bashkua musliman e katolik qe tash 20 vjet nuk kan dal bashk ne zgjedhje. ASH paska ba nje gabim te madh.

  • Sinqerisht

    E more Fadil K…. , pse po mundohesh me arsyetua vprimtarin e turpshe e antishqiptare tuajen dhe te UDSH-së duke fajsuar të tjerët. Duke u njohur se kush jeni ne te vërtete, ky veprim juaji jo që nuk na befason , por edhe e kemi pritur.. Faqen e zezë kaloje me një kafshatë bukë e me një gotë vere dhe mos akuzo ASH-në se edhe ajo ka mjaftë faj e faqe të zezë …. Këto janë partitë shqiptare për te cilat folim tash sa e sa kohe… Programi dhe ideali i vetëm i tyre është pushteti dhe ndonjë vend i rahatshem pune dhe kaq vetem.. Gjoja patriotizmi dhe angazhimi për Malësinë janë vetëm premtime boshe për të garantuar ndonje vote me shume…
    O smeritoni asnje vote e te mjere… Jeni ba per te shkuar në muze perjetesisht!