Djukanovic përsëri President?
Duket se njëra nga kandidaturat e mundshme për president të Malit të Zi po bëhet gjithnjë e më reale, pasi presidenti aktual Filip Vujanovic ka deklaruar se do ta përkrahte ish kryeministrin dhe ish presidentin Milo Djukanovic për president nëse ky i fundit vendos të kandidohet.
Edhe pse Djukanovic nga ana e tij nuk është deklaruar në lidhje me këtë çështje, kjo mundësi është parë si mjaft reale pas tërheqjes së tij si kryeministër pas zgjedhjeve të tetorit. Vujanovic tha se nuk ka informacion në lidhje me qëndrimin e Djukanovic për këtë çështje, por shprehu dëshirën e tij që ai të jetë kandidat për president, duke pasur parasysh përkrahjen që gëzon.
Djukanovic ishte Kryeministër në periudhën 1991-1998, Presidenti i shtetit 1998-2002, Kryeministër 2003-2006, 2008-2010 dhe 2012-2016.
Ai është kryetari i Partisë Demokratike të Socialistëve (DPS) që nga viti 1997. /MALESIA.ORG/