Në Tuz-Malësi, promovohet libri i autorit  Prof.Dr. Martin Berishaj, “Zhberja e kufirit etnik”

Më 25 gusht 2017, në QKI „Malësia”, në Tuz, nën organizimin e shoqatës “Illyricumi”, u bë promovimi i librit “Zhberja e kufirit etnik”,  të Prof.Dr. Martin Berishaj, që  jeton e vepron në Slloveni.

Në emer të organizatorit të pranishmit i përshëndeti, Nikollë Berishaj.

Ndërsa në panelin e diskutimit ishin mendjet më të ndritura të shkencës shoqërore shqiptare si: Prof. Dr. Frashër Demaj – akademik dhe Prof. Dr. Romeo Gurakuqi, njëherësh edhe Deputet i Partisë Demokratike në Republikën e Shqipërisë, si dhe autori i librit, Prof. Dr. Martin Berishaj, e gjithë kjo e moderuar nën udheheqjen e politologes dhe gazetares së re nga Malësia, Teuta Gjokaj.   

Autori Berishaj më parë kishte botuar veprat “Fuqia e fshehtë e besës” botuar pranë Akademisë së Shkencave të Sllovenisë – në sllovenisht, “Nga hapësira e trojeve në hapësirë të rrjedhave”, botim i Qendrës për Studime Shqiptare Albanica në Lublanë, “Identiteti dhe Shtetësia”, botuar në Kolegjin universitar Victory në Prishtinë, ndërsa  libri i fundit i tij  ishte “Zhbërja e kufirit etnik”, botim i Toenës në Tiranë.

Në këtë liber autori kryesisht merret me komleksitetin e studimeve mbi kufirin, e veçanërisht mbi kufirin etnik. 

Libri është i ndarë në 8 kapituj dhe numron 344 faqe.

Prof. Dr. Frashër Demaj, lidhur me librin në fjalë tha se vepra e Profesor Berishaj, duke pasur parasysh kohen kur po jetojmë, dhe çeshtjet të cilat i kanë të pazgjidhura shqiptarët, posaçërisht Kosova, merr dimenzione të reja dhe bëhet edhe më e vlefshme jo vetem për politikanë e diplomatë, por për secilin qytetar shqiptar. “Studimi i fenomeneve të ndryshme shoqërore, politike, diplomatike, gjeopolitike, gjeostrategjike nga përspektiva shumë dimensionale, janë sa të rëndësishme poaq edhe bashkëkohore. Qasja multiperspketive  e studimeve shoqërore dhe humane hynë në kuadrin e studimeve të gjithmbarshme në të cilat gjejmë informacione nga më të ndryshmet nga fushat e rëndësishme të shkencave  të cilat kanë korelacion ndërmjet tyre. Ato pasurojnë dhe plotësojnë njëra tjetrën me strukturim, fenomene, përmbajtje, e qajse  metoda si historike, kualitative, empirike, logjike, krahasuese, statistikore, duke bërë kështu terësinë e një studimit të gjithmbarshem e kuptimplotë”, theksoi Demaj.  

Ndërsa Prof.Dr. Romeo Gurakuqi, në lidhje me librin tha se ky liber është një studim krejt i vaçantë në llojin e vet,  i cili synon të depertojë, jo vetem në historinë e ndamjes në mes kufirit, në mes komunitetit mbarshqiptar në gadishullin e Ballkanit, por para së gjithash ky studim, merret  me vlersimin e fenomeneve politike, kulturore, antropologjike, sociologjike, juridike dhe të ndërgjegjies, të prejadhura prej këtij proçesit të dhimbshem dhe të imponuar, historik, nga faktorët madhor dhe e kryer në dy vizime në hartë dhe në terren në aspektin kohor. “Vizimi i pare në hartë dhe në terren është bërë në vitet 1913-14, vizimi i dytë ka ndodhë në periudhën 1921 deri në vitin 1925-26. Kemi të bajmë me një studim të impostuar qartazi në pikpamje metodologjike të shkrimit shkencor ndërdisiplinor dhe mbi të gjitha impostimi më  i rëndësishëm është ai analitik që vjen për shkak të bazamanetit solid, të prgatitjes së autorit me filozofinë e historisë, njofjen e thellë të shkencave politike dhe të së drejtes ndërkombtare”, theksoi Gurakuqi.

Ndërsa autori i librit Prof.Dr. Martin Berishaj, përshëndeti  të pranishmit dhe falenderoi panelistët për fjalët e mira dhe theksoi se mbas këtyre fjalëve kaq të mira kjo e shtjen atë që edhe më tutje të merret me punën e shkencës e në veçanti me çështjen shqiptare.  Sipas Berishajt, motivi për të shkruar këtë libër i ka lindur në vitin 1994- 95, ku ishin të thirrun në Bollonja të Italisë, ku ishin  duke u përgatitur për luftën e madhe të Kosovës dhe çlirimin e saj. Berishaj shtoi se këtë liber ia kushtoi kolosit të madh Prekë Calit, i cili dha një kontribut të madh për mbrojtjen e terësisë territoriale të Shqipërisë dhe nuk lëjoi që kufiri të vëndoset aty ku e kishin planfikuar, duke e iliustruar me shembull në rastin e Prekë Calit dhe duke treguar se kufiri mund të zhvendoset.   

Gjithashtu, autori  me këtë rast për të pranishmit shpërndau gratis një numër të caktuar të librave./Malesia.Org/  

Tags: , ,
  • Kosove Rexha Bala

    Malesia (ajo pjesa e shendosh e saj) e pret me bujari kurdohere birin e vet, Dr. Prof. Martin Berishaj. Zoti, Martin Berishaj, edhepse me vendbanim ne Lublane ku me koken e tij te urte i ka krijua kushtet e volitshme te jetes per veten dhe familjen e tij ai ne anen tjeter gjithnje ka nje lidhje te natyrshme e te pandare me vendlindjen e tij. Eshte evidente qe, Martini, per hire te kombit te vet, i ka hy rruges se veprimit duke i germuar dhe perpunuar te dhenat e nevojshme, qofshin ato shoqerore, politike, letrare, shkencore e historike qe kane te bejne me Vatanin dhe popullin e vet shqiptar qe i don pa rrezerva me gjithe fuqite e mendjes, shpirtit dhe zemres. Armiku shkja eshte duke shti helm nder ne, palocat e Cetines, Nikshiqit e Podgorices jane duke bere gjithca te mundur ta helmojne ndergjegjen e shqiptareve e sidomos rinine tone me idete e nenshtrimit. Pra trimat shqiptare nuk jane vetem me pushke por edhe me pene si zoti Profesor Martin Berishaj qe eshte nate e dite ne dispozicion per ti mbrojtur interesat e larta te popullit dhe atdheut.

  • Sytki Ndrecaj

    Deshiroj tu përgëzoj miku e bashkëmalësori im Prof.Dr.Martin Berishaj për librin e radhës që i keni sjellë lexuesve malësorë, mbarëshqiptarë e më gjërë. Ndonëse nuk isha i mundshëm të jem prezent në promovim ( edhe pse dëshira nuk më mungonte ) nuk mund të qëndroja pa iu uruar duke u nxitur për vepra të tjera edhe më të mira në të ardhmën. Unë nuk jam në brendinë e librit pasi nuk më ka rënë rasti ta lexoj akoma por do deshiroja në të ardhmen ta kem prezent pasi vetë titulli ka domëthënien e tij. Ndaj dhe njëherë urimet e mia miku im Martin dhe suksese në jetë e në promovime të tjera të librave tuaj. Me respekt Sytki Ndrecaj Koplik, Malësi e Madhe.