Manifestimi tradicional popullor “Mirë se vini në Alpet Shqiptare 2017’’ dhe Fetsivali mbarëkombëtar “Kënga dhe Vallja Shqipe na Bashkon”

 Më 1 Gusht 2017 , për të 20-in vit me radhë, u mbajt tubimi tradicional popullor “Mirë se vini në Alpet Shqiptare 2017’’ në Plavë e Guci, e së bashku me të edhe Festivali mbarëkombëtar “Kënga dhe Vallja Shqipe na Bashkon”.

Në këtë tubim të organizuar me frymim 100 % shqiptarë, në prezencën e afër pesë mijë pjesëmarrëseve, morën pjesë Shoqëri Kulturore Artistike si dhe figura të rëndësishme politike e kulturore, nga të gjitha trevat ku banojnë shqiptarët.

Këtij manfestimi tradicional, për të dytën herë, në Krahinën e Plavë-Gucisë, në zemrën e Alpeve të Shqipërisë, iu bashkëngjit edhe organizimi i Festivalit folklorik mbarëkombëtar “Kënga dhe Vallja Shqipe na Bashkon”, që filloi më 30 korrik dhe përfundoi me 1 gusht 2017.

 Manifestimin e nderuan me pjesëmarrje ish Ambasadori Amerikan dhe miku i madh i shqiptarëve, i cili u gjet pranë popullit shqiptar gjithëherë, e sidomos në luftën e Kosovës, William Wallker, pastaj Kryetari i Komunës së Mitrovicës, Agim Bahtiri, ish-komandanti i UÇK-së, Bahtjar Hoti, Kryetari i Këshillit Kombëtar të Shqiptarëve, Genci Nimanbegu, Lideri i LDSH-Lista guxim, z.Nikollë Camaj, etj.

Në fjalën përshëndetëse ish-ambasadori Wallker tha se është kënaqësi e veçantë për të përsonalisht që është pjesë e këtij takimit madhështor për shqiptarët. Wallker shtoi se ka vizituar gjithë komunitetin shqiptar. Sipas tij në fillim ka filluar t’i njohë shqiptarët nga Kosova, mbasandaj nga Maqedonia dhe Shqipëria e përfundimisht tha se po i njofton dhe viziton sot edhe shqiptarët nga Mali i Zi. Wallker, me këtë rast tha se sa i përket atij, ne nuk jemi shqiptar nga Kosova, nga Maqedonia, Shqiperia apo Mali i Zi, apo kudo tjetër, por për të, të gjithë jemi vetem shqiptarë.

Të Pranishmit i përshendetën edhe Genci Nimanbegu dhe Nikollë Camaj.

 Ndërkaq duke filluar nga data 30 korrik 2017, në Plavë – Guci me defilimin e vet të filluar nga Komuna e Plavës dhe ajo e Gucisë, nën shoqërimin e Flamurit tonë kombëtar, të këngëve dhe valleve shqipe, filloi festivali i dytë mbarëkombëtar “Kënga dhe Vallja Shqipe na Bashkon”, e organizuar nga Shoqata “Alpet Shqiptare”.

Hapjen e këtij festivalit e bëri Drejtori dhe organizatori i këtij  Festivalit, z.Tahir Gjonbalaj, i cili u dëshiroi të gjithë të pranishmëve argetim të këndshëm. Gjonbalaj theksoi se në këtë manifestim, të cilin e organizojnë tash 20 vite me radhë, janë duke kontribuar që të qendrojnë aty, në trevat e veta, duke vepruar, punuar dhe jetuar shqip dhe vetem shqip. Në këtë festival morën pjesë ansamble nga të gjitha trojet shqiptare, duke ia filluar nga Kosova, Shqipëria, Maqedoni dhe Mali i Zi, të cilët shfaqen për publikun këngë dhe valle shqipe.

Në këtë festival të karakterit garues, pjesëmarrësit u vlerësuan nga juria në përbërje: Azgan Haklaj President i Unionit Artistik të Kombit shqiptar, Minella Kureta Kryetare e unionit, profesoreshë, Hasnije Kukaj Gjonbalaj, Deli Metalia, koreograf dhe aktivistja Mirjeta Gjonbalaj.

 Në ditën e parë të festivalit morën pjesë: Shoqëria Kulturore Artsitike “Dedë Gjon Luli”, nga Traboini – Hot, Shoqëria Kulturore Artsitike “Ardhmeria ” nga Gjakova, Shoqëria Kulturore Artsitike “Jonuz Ramadani” nga Vitia. Në ditën e dytë u paraqiten: Ansambli folklorik Petralba Klos, Anadrini Rahovec Shote Galica Drenas, Grupi  Prishtina nga Prishtina, Grupi polifonik Çipini nga Vlora. Ndërsa në ditën e tretë qenë: Shoqëria Kulturore Artsitike “Shkupi” nga Shkupi, Shoqëria Kulturore Artsitike “Koha” nga Dinosha, Shoqëria Kulturore Artsitike “Rapsha” nga Drumja , Shoqëria Kulturore Artsitike “Devolli”nga Devolli dhe Shoqëria Kulturore Artsitike “Maja e Karanfilit” nga Plavë-Gucia.

 Në këtë manifestim present ishte edhe këngëtari i mirnjohur nga Malësia Lindon Camaj.

Vendi për veshjen autentike më të mire, si edhe për rapsodët më të mire, i takoi Shoqërisë Kulturore Artsitike “Rapsha” dhe rapsodëve të sajë Nua Gjonaj dhe Driton Junçaj, ndërsa Çmimi i publikut i takoi Shoqërisë Kulturore Artsitike “Dedë Gjon Luli”, nga Traboini –Hot.

 Vendin e parë e fitoi “Grupi polifonik Çipini” nga Vlora;

 vendin e dytë “Sh.K.A Shotë Galica” nga Drenasi, kurse vendin e tretë “Grupi Prishtina” nga Prishtina.

 Pa dyshim ky ishte nje manifestim mirë i organizuar dhe tregues i vertet se organizatoret e ketij manifestimi, edhe pse te mbetur ne pakicë, por ruajne me nostalgji dhe perkujdes te vaçantë gjuhën, kombin dhe flamurin shqiptar, në këtë trevë historikisht shqiptare.

Albert Camaj

  • Sytki Ndrecaj

    Përshëndetjet dhe urimet më të mira për organizatorët e në mënyrë të veçantë për mikun tim z. Tahir Gjonbalaj për organizimin e këtij aktiviteti madhështor etno-kulturorë, artistik e turistik mbarëshqiptarë. Jehona e 20 viteve të një aktiviteti të tillë duhet të bëjë krenarë çdo shqiptarë pavarsisht vendëndodhjes dhe për më tepër duhet të jetë nxitje për një masivizim më të madhë në shtrirje e në pjesmarrje. Kjo është një vërejtje duke filluar nga ana ime si pushtetarë por edhe nga çdo kontributor që pavarsisht drejtimit të pushtetit duhet të jemi më bashkëpunues sidomos duke qënë në pozita bashkëshqiptare ( në troje ) por edhe ndërkufitare ( në shtete ). Edhe njëherë urimet më të mira për organizatorët e këtij aktiviteti me një emër gjithpërfshirës ” Mirësëvini në Alpet Shqiptare ” ( ku bën pjesë edhe Malësia e Madhe ). Me respekt Sytki Ndrecaj Koplik, Malësi e Madhe.