Promovohet libri “Miti i Hotit” i autorit Kolec Traboini

 Më 15 tetor 2017, te Kroi i Traboinit, në Hot, nën organizimin e SH.K.A “Dedë Gjon Luli “, u bë promovimi i librit “Miti i Hotit”, i autorit Kolec Traboini, birit të atdhetarit Palok Traboinit Gojçaj.

Promovimi i këtij librit filloi me këngën përkrye krahu, të kënduar nga anëtari i SH.K.A “Dedë Gjon Luli “, Marash Dushaj.

Ndërsa për librin folën Pandeli Koçi, shkrimtar, Mr. Anton Gojçaj, poeti Qazim Moska , si dhe autori i librit Kolec Traboini Gojçaj.

Me këtë rast të pranishmit i përshëndeti edhe veprimtari nga Diaspora, Sami Flamuri.

Ndërsa mirënjohje për autorin ndau pronari i Muzeut Etnografik të Malësisë, Shtjefën Ivezaj.

Moderatori i promovimit të këtij librit Fran Dedvukaj, tha se kjo vepër promovohet pikërisht në traull të Hotit, prej ku kanë lindur edhe veprat e mëdha e njerëzit e mëdhenj siç është edhe vet autori Kolec Traboini, i cili asnjëherë nuk e ka harruar vendin e vet, por gjithmonë u ka mbetur besnik të parëve të vet, duke i shndërruar ata në heronj e në mite e legjenda, për çfarë mburremi të gjithë ne sot. Me veprat që i shkrua Koleci, këto vlera të trashëgimisë sonë përjetësohen, që të mos shuhen kurrë dhe gjithmonë të mbesin lapidar të kulturës sonë kombëtare, theksoi ndër të tjerat Dedvukaj.

Ky libër numëron 126 faqe, ndërsa siç u theksua nga panelistët, është i një rëndësie të veçantë.

Albert Camaj

Tags: 
  • TOMA

    Cdo liber eka vleften e vet,porna Malsore jemi tye gabuar ku nuk pershkruejm nje histori per krejte malsis,per hotin gruden per trieshin kojen neni liber te perbashkt kombtar.aty kujan vlerat tona,e jo histori krahinor.por mesa duket nderne perjton gjelozia.ose mamir me than menja e madhe,ase njani skemi muj te mbrohemi pa ndihmen e njani tjerit.derisa nuk e njohim vehten si bashkpuntor,aty asht percamja. se bashkimi i mbron virtytet kombtare.