Zgjedhjet lokale në Malësi – Vota shqiptare vetëm për tri listat shqiptare

Ashtu si as në zgjedhjet e kaluara lokale e ato parlamentare, as kësaj herë subjektet politike shqiptare nuk i bashkuan forcat e veta në një listë të vetme. Nuk i bashkuan, sepse ndryshe nga ajo që thonë, dëshmojnë se interesin e Malësisë e kanë në plan të dytë.
Sikur ideali për të cilin betohen të ishte parësor dhe i sinqertë,
me lehtësim do ta tejkalonin çdo çështje dhe çdo mospajtim.

Në vend të marrëveshjes për të dalur me një listë të përbashkët, këto subjekte nënshkruan një marrëveshje, efekti i së cilës do të hyjë në punë pas zgjedhjeve. Marrëveshje e cila do t’i obligojë që vetëm së basku të angazhohen për formimin e shumicës në Asamblenë e Komunës së Tuzit.
Patjetër, ky është një hap pozitiv dhe vendim që duhet për ta përshëndetur. Por cila është garancia se kjo marrëveshje do të respektohet nga ata që e shkruan dhe nënshkruan!?
Vetëm disa ditë pasi që filloi fushata parazgjedhore, nisën edhe përplasjet e para në mes aktorëve të nënshkrimit, çka prodhon dyshime në qëllimet dhe vendosmërinë e subjekteve të nënshkruara.

Përfaqësuesit tonë politik pas vetes kanë lënë marrëveshje e nënshkrime të shumta që ata i kanë shkruar, nënshkruar dhe i kanë shkelur. Janë akuzuar e gjykuar për uzurpime të mandateve të deputetëve dhe çështje tjera të lidhura me kalkulime e numra. Kjo lojë politike prodhoi mosbesim tek njëri-tjetri, e natyrisht më shumë tek votuesit.

Është e dhimbshme që në një zonë historikisht shqiptare, të dominojnë e të udhëheqin partitë joshqiptare, e kjo është më e dhimbshme kur dihet se për këtë kanë kontribuar partitë shqiptare.
Kemi subjekte që pothuajse nga themelimi e gjer më tani janë në shërbim të drejtpërdrejtë të DPS-së dhe politikës së saj të disfavorshme ndaj popullsisë shqiptare. Justifikime mund të kenë vetëm për vitet e 90-ta, ku ekzistonin vetëm dy zgjidhje.

Jo më larg se vitin e kaluar, dy deputetët shqiptar me votëbesimin e dhënë shpëtuan nga rrëzimi Qeverinë e DPS-së, ndërsa sot me sjellje hipokrite, të njëjtit, ftojnë në luftë” kundër DPS-së. Ata të cilët në të njëjtën qeveri dhe sot mbajnë funksione e poste qeveritare, kërkojnë votën në rrolin e kundërshtarit të DPS-së.
Sot në shekullin XXI, kërkojnë vota me pretekst se po krijohen ligje të cilat ta lejojnë identifikimin e kombësisë, apo hapjen e kanaleve për ujë të pijshëm. Me sjelljet e tyre cinike, nënçmojnë votuesit, por edhe veten.

Por, megjithatë votuesi shqiptar në zgjedhjet lokale në Malësi të 26 nëntorit, ka vetëm si zgjidhje tri listat shqiptare. Ato tri lista duhet t’i ndajnë votat shqiptare në bazë të meritës ose mosmeritës që mbajnë me vete, dhe nisur nga kjo, LDSH-ja duhet të jete zgjidhja e parë.

Robert Gj. Ivezaj, politolog

 

Tags: ,
  • Pandora

    Analize krejtesisht e sakte! Bile kishe pas t’i shtohej prap e prap…
    Sidomos kjo: ‘…mbajne poste qeveritare e duan te marrin voten ne rolin e kundershtarit te DPS-se!’. Vertet hipokrizi e paster! Por kujt t’ia thuash Robert? Cka eshte me e keqja, votuesi ketu harron shume shpejt, harron se nder keto parti shqiptare ka asish qe e shpetuan kete qeveri, e do ta benin edhe 1001 here tjera sikur t’iu jepej rasti!

  • Eclipsi

    Shkurt e qart

  • Simoni

    Shum en rregudh me thirr qe me votua partit shqiptare, por nuk asht dasht me ba dallime. Ket pjes te vendosin votuesit

  • Kosove Rexha Bala

    Pra, futezeza e Malesise, Gjukanoviqi, qenka fut ne Tuz me gjithe opinga, prandaj, aty ku futet gjilpera futet edhe peni. Paska shkuar edhe ne Pyllen e Madhe ke liqeni!, kurse maloket tane e ndjekin prapa me shtatin pyll e mendjen fyell. Te gjithe po i shoh me nga nje fyell ne duar duke u kenduar por, Gjukanoviqi e paska fyellin me nje vrime, vrime te DPS-it, kurse fshataraket tane po u bien fejeve pa vrima. O NUK BEHET DASMA E MALESISE ME NJE FYELLE E ME NJE VRIME JO!
    Antaret e IQ-se, ASH-se e UDSH-se, nuk jane tjeter vec fyla, qe nuk kane thelba as buke brenda capres, me padyshim se atyre eshte duke u fryre fyryfycka e Malit Zi ne matare. As, IQ-ja as, ASH-hja, nuk jane te kenaqur me Alabaket e Tuzit dhe jataket e tyre boshnjake qe u jane bere Malesise lak ne fyt ne kryesi te Komutes por, ata jane me te gatshem te sakrifikojne pranine e Halabakeve se sa te prishen me DPS-in, duke bashkepunuar me LDSH-ne

  • Dushiqi

    Gati nisoj eshte vote per udsh-ash, vote per dps. Votoni LDSH, te vetmen parti pa interes dhe e pavarun nga dps

  • Sinqerisht

    Pajtohem plotesisht me shkrimin e z.Robert, e vetmja gje qe me ben te dyshoj , athua ka merite edhe LDSH-ja, pra vertete a kemi per ke te votojme dhe a meriton ndonje subjekt voten tone???!!!!!

    • Koja

      ktu asht puna “ma tmirin nga tkqit”

  • Ivezaj

    Shkrimi eshte shume real. Partite tona mbajne fajin per shumecka, por as kesaj here nuk kemi zgjidhje tjera, dhe nga keto 3 LDSH meriton te fitoj perkrahjen me te madhe.

    • realiteti

      Gjeja me e keqe eshte se nuk u bashkuan bashke te gjithe me nje liste, por tani nese nuk u bashkuan para zgjedhjeve le te bashkohen mbas zgjedhjeve nese e kan shumicen, nese nuk e kan shumicen kot bashkohen dhe kot rrin aty spse DPS do te jet ne pushtet(shpresojm jo), por nese ata e marrin komplet pushtetin ateher cka ju duhet kualicjoni mbas zgjedhor se ta do te vendosnin per gjithcka..E keni rastin votuesit Malesor te votoni vetevehten tuaj pra vetem e vetem partit shqiptare, pra ato 3 lista dhe askend tjeter..Ju zoteri Robert si perfaqesues i medias pra si pronar i Malesia .Org nuk do te duhej te marrish anen dhe 100% apelon te votohet per nr 2 pra LDSH..athua je ne rregulle te prenancohesh ashtu, a je ateher media e paaneshme apo jo?? !!! e ktejna thau sjam ne asnje parti jam i pavarur. Ti mendoj un duhet te thuashe le te fitojn 3 kualicjone te shqiptareve..dhe ajo esht kryesorja..cka do te thuash ti atehr kur shumicen e keshilltareve ti marrin Alternativa, si do ta spjegoshe atehr ti zoteri pronar i Orgut..Une apeloj te votoni kualicjonin pra dhe vetem opcjonin shqiptar, kurse shum shpejt do te shifet se kushe do te fitojn shumicen..shpresoj jo..jo dhe kurre jo DPS,,kurse kto tjerat ateher do te shifen lehte..Urime kualicjonit shqiptar, pa dallime populli le te vendosin se kujte duhet tu jepet vota..kurse ketu po bajn komente se gjoja ata qe nuk votojn LDSH..jan me Gjukanoviqin. aqe din dhe aqe flasin fali zot se sdin cka po thone..megjithate urime le te fitojn ata qe e meritojn nga pala shqiptare, por vetem nga kualicjoni shqiptar dhe jo ata tjeret kurre mos fitoshin ne Malesi ma,,askurre ma..koha ka ardhur per progres..mendoj se Malesoret keso here do te votojn per VETEVEHTEN…

      • Robert Gj. Ivezaj

        realiteti

        Fillimisht, unë e kam thënë se votuesit shqiptar duhet të votojnë vetëm tri listat shqiptare (LDSH-ASH-UDSH), në bazë të meritës që mbajnë mbi vete. A janë te tria të njëjta? Jo nuk janë! Dhe nisur nga ajo LDSH-ja duhet të jetë zgjidhja e parë. Askund nuk e kam thënë që mos të votohen dy listat tjera shqiptare.
        Ti thua se nuk është në rregull, ndërsa unë e vlersoj se kam te drejtë në shprehjen e opinionit tim personal. Qëndrime kanë edhe përfaqësues të medieve më prestigjioze botërore.
        Ti thua se çka do të them unë kur ASH të fitojë shumicën e këshilltarëve!? Unë i kisha urua, zgjidhjen e popullit, por këtu po flasim për realitetin e jo dëshirat. Nuk besoj se ka mundsi që 1 parti e vetme të fitoj shumicën.
        Me keqardhje e kisha pranua vetëm nëse një parti jo-shqiptare fiton shumicën.
        Sa i perket njëanshmërisë së portalit Malesia.org kjo nuk qëndron aspak. Në portal e ka fitua hapësirën çdo subjekt shqiptar, jo veç kësaj herë, por çdo herë, përveç kur kanë mbrojt interesat e huaja.
        Dhe për fund, herën tjetër më pyet kur të takohemi, komunikohet dhe kuptohemi më lehtë.

        • Realiteti

          FLM per ket sqarim, por megjithate do te flasim kur te shifemi..me randesi eshte se ti apelon qe te votohet vetem dhe vetem per parti shqiptare,,jam 100% dakord edhe une me ket apelin tuaj..por perseri spo dua me hy ne polemika tjera tani, se me randesi esht qe malsoret te votojn per partit dhe perfaqesuesit e tre listave shqiptare..prandej kjo esht me e randesishme se sa keshilltar do te marrin kjo apo ajo parti..Megjithate perkrahja juaj pere LDSH asht e qarte..ku ti thekson citoj Ato tri lista duhet ti ndajn votat shqiptare ne baz te merites ose mosmerites qe mbajn me vete,dhe nisur nga kjo, LDSH-ja duhet te jet zgjedhja e pare..prandaj ke te drejt me anua ka te duash ti por mos thauj se je neutral ndaj seciles parti shqiptare atje,,ti haptas i jep voten dhe apelon qe te votohet per ate parti pra LDSH..megjithate shpresojm te fitojn 17 keshilltare keto tre parti bashke ajo esht kryesorja, kurtse keto tjerat rregullohen..ju urojm kualicjonit shqiptar te dalin fitimtar ne keto zgjedhje historike per Malesin.

          • Robert Gj. Ivezaj

            Realiteti

            Zotni, nuk e di pse po don me hap debat e në të njajten kohë thua se nuk po donë me e hi ne polemika…
            Ti shkrimin e ke lexua, primarja që u tha është të votohen vetëm partitë shqiptare, dhe vet po pajtohesh. Ndërsa atë renditje nuk e bëj në bazë të suksesit por për fat të keq në bazë të dobësisë që çdonjëra ka. Portali u ka dhënë hapsirë të gjitha subjekteve shqiptare njësoj, çka dmth pa-njëanshmëri. Le ta faktojnë ata se u është refuzuar një deklaratë, reagim apo kumtesë për publikim. Asnjë! E kur vjen puna te lajmi, lajmin në portal nuk mund ta ngjyrosë. Të bardhin nuk e bëj të zi, as të ziun të bardhë. Si shembull po marr dy çështje, sepse mendoj se e di se ku e ke hallin. Kur Gjeloshaj ishte deputet dhe bëri polemika në lidhje me fjalorin e CANU-të, çdo reagim/veprim të tij, edhe pse shpesh nuk na i niste reagimet, i merrnim nga mediet malazeze dhe i përgatisnim e përkthenim dhe i publikonim. Dikujt kjo i ka pengua…e besa edhe thonin “na paska ble Nika se po e “promovojmë””… Të njëjtën punë e kemi bë edhe kur i dha votëbesimin Qeverisë së Djukanovic-it, por atëherë dolëm të kqi e kundërshtar të deputetit. Kjo është ajo që tregon neutralitet, nëse e ke fjalën për neutralitet e jo injorancë.
            Ndërsa unë si person, siç e thash edhe në komentin e parë, natyrisht se kam opinion dhe nuk kam pse ta fsheh, sidomos jo kur është në pyetje interesi i përgjithshëm, pra i Malësisë.

        • votuesi

          Realiteti ,ke shkrue ma shum se Roberti gjoja se duhet te jeme real e ti trajtojm te gjithe ni lloji e ajo sdo te ishte aspak reale. Sesht gjeja me e keqe ci sjan bashkue se nese e ke perciell gjendjen, atehere duhet ta kishe ditur se bashkimi ka qene pothuaj se i pa mundur. Edhe nese kto te tri subjekte tona fitojn shumicen prap mund mos kete koalicjon mes tyre sepse disa jane me DPSin ne koalicjon e sma merr mendja se Nika me shoke pranojn me i braktise postet ci me shume mund e dredhi i kan fitue. Pra Roberti ka plotsisht te drejte kur thot se ken me votue. Vetem nese Malesia . Org finansohet prej pushtetit atehere duhet te jene neutral.

          • Disku

            kshtu si pi thot ky realiteti ater duhet me ken neutral edhe me dps ne malsi se shumica jan shqipfolsa edhe ata, shqiptar i thon vetit, shqip flasin e ne malsi jetojn