Lajmerim: Peticion për përkrahjen morale të TV Boin

TV Boin është televizioni i parë dhe i vetmi i pavarur në gjuhën shqipe në Mal të Zi.

Që më 28 Nëntor të vitit 2001 TV Boin është në shërbim të kombit shqiptar.

TV Boin, televizion ky i të gjithë shqiptarëvew, sot iu drejtohet banorëve të Malësisë për një përkrahje morale. Përmes një nënshkrimi të thjeshtë, ju do të tregoni se e doni dhe e përkrahni punën e TV Boin.

Stafi i TV Boin në mënyrë të organizuar, me përkrahjen e disa të rinjve vullnetarë, do të jetë në teren të shtunën dhe të dielën, më datën 20 dhe 21 Maj.

Banorë të Malësisë na pritni këtë fundjavë. Nënshrkimi juaj tregon dhe vërteton përkrahjen tuaj të madhe TV Boin.

 

  • E verteta

    TV Boini ashte i vetmi subjekt-institucion ne Malesi qe ka mbet i paster dhe vepron i pa dirigjuem dhe i pa kapun nga pushteti. Per te mbete i paster dhe ne interes te Malesise shume here egzistencen e vete e ka pru ne pyetje. Perndryshe me pak anim nga polotika e kohes problemet ishin evitue. Per t’u perballue me kriza te shumta dhe per te mbijetue kohet e veshtira pran ketij televizioni shume here ashte gjinde Diaspora e cila konsiderohet edhe si perkrahesi kryesor per te cilen gje TV Boin ashte shume mirnjohes!

  • Sytki Ndrecaj

    Duke përshëndetur si kurdoherë TV.BOIN për punën e bërë si televizioni i vetëm shqiptarë i pavarur në trojet autoktone shqiptare nën Mal të Zi jap hapur përkrahjen time për drejtuesit dhe gjithë stafin e kësaj media vizive krenarie për mbarë bashkëmalësorët e më gjërë. Ashtu siç inkurajoj këtë media për punë edhe më të mirë në drejtim të informimit dhe përhapjes së gjuhës së bukur shqipe por edhe në rritjen më lart të vlerave më të mira historike, etno-kulturore, artistike pse jo dhe politike e fushave të tjera për mbarë trevën tonë Malësi e Madhe e mbarë Kombin Shqiptarë. Respekt e mirënjohje për ish-pronarin e këtij Televizioni të ndjerin Tom Bojaj i cili bëri të mundur me përkushtim e sakrifica jo vetëm ta ” lind ” këtë media por edhe të përhapë valët e shqiptarisë nëpër Mal të Zi e më gjërë. Ne jemi me ju, ashtu siç janë mbarëmalësorët e mbarëshqiptarët kudo që janë. Përpara TV BOIN. Me respekt Sytki Ndrecaj Koplik, Malësi e Madhe.