Në të perditshmen “Vijesti” , të ditës së sotme, në tekstin e Samir Adroviq, kryetari i Komunës së Ulqinit dhe Lideri i Forcës, u shpreh se kandidati i PDS-së, për President të Malit të Zi, do të ketë përkrahjen vetem nëse PDS respekton marrveshjen e Koalicionit, që “Shqiptarët e vëndosun” e kanë me PDS-në. Ai ka shtuar se përkrahja për President nuk është pjesë e marrveshjes, dhe se Forca nuk ka marr qëndrim për këtë çeshtje.
“Ne do ta analizojmë bashkepunimin brenda koalicionit dhe në bazë të asaj do marrim qëndrim të përbashkët lidhur me zgjedhjet presidenciale”.
Nga titulli i gazetes mund të kuptohet se marrveshja nuk është duke u respektuar.
Lidhur me të njëjtën çështje informon edhe Dan, që shkrimin e vet e titullon “Shqiptarët e paknaqur sepse nuk plotësohen obligimet”.
Te subjektet, partnere të Koalcionit “Shqiptaret të vendosur”, shprehet paknaqësia në lidhje me plotësimin e mandateve, respektivisht punsimeve në harmoni me marrveshjen.
Sipas gazetës “DAN”, janë respektuar vetem dy vënde, ajo e Sekretarit Shtetëror pranë Ministrisë së Administrimit publik që e mbulon Nik Gjeloshaj dhe zëvendes drejtorit gjeneral të Postës së MZ, që e mbulon Gjergj Camaj, te dy kuadra nga ASH.
Ajo që mund të nxjerret si përfundim është se PDS vazhdon të mos respektojë marrveshjet me koalicionin “Shqiptaret e vendosur” të përbërë nga: Forca-UDSH-ASH.
Albert Camaj