ASH dhe IQ, unifikohen zyrtarisht në një subjekt politik

Deklaratë për opinion

Në takimin e radhës të mbajtur më 01.09.2017, në mes perfaqësuesve të Alternativës Shqiptare dhe Iniciativës Qytetare u arrit marrveshja për unifikimin e dy subjekteve politike.

Në këtë mënyrë përmbushëm një prej pritjeve të votuesve malësorë dhe një prej kërkesave të diasporës, e në veçanti u plotësua një dëshirë shumë e pritur e Tiranës dhe Prishtinës zyrtare.

Gjatë bisedimeve perfaqësuesit u dakorduan për nevojën e unifikimit të faktorit shqiptarë, me qellim të mos shpërndarjes së votës tonë nëpër taborre joshqipfolëse, të cilët për interesat tona kombëtare flasin vetëm para votave ose kur shqiptarët u nevojiten si dekor karshi faktorit ndërkombtarë.

Ftojmë shoqatat joqeveritare, intelektualet e pavarur, grupet qytetare dhe subjektet tjera politike shqiptare që ti bashkangjiten kësaj nisme, ngase kemi gaadishmëri për bisedime me të gjithë ata që si qëllim kanë mbrojtjen dhe avansimin e e të drejtave kombëtare, parandalimin e shpërnguljes dhe asimilimit, si dhe punësimin dhe integrimin e të rinjëve të shkolluar, në institucionet dhe ndërrmarrjet publike dhe organet e administratës lokale dhe shtetrore.

Për Alternativen Shqiptare Kryetari,

Gjergj Camaj

për Iniciativen Qytetare,

Kryetari këshillit drejtues Smail – Maliq Çunmulaj