Junçaj: Fton Partitë shqiptare, të bashkohen për zgjedhjet lokale në Malësi

Të nderuar miq,

Mbasi po afrohen zgjedhjet lokale për komunën e Kryeqytetit,mendoj se të gjithë duhet të bëjmë një apel për bashkim.
Të dashur Malësor,që jeni në parti të cilat janë kyçyr në institucionet e këtij shteti,se nesër ne si nacionalist Shqiptar që jemi të etiketuar si,njerëz të papërshtatshëm qysh nga Kongresi i Berlinit deri në ditët e sotme,jemi të gatshëm që për hir të të mirës së Malësisë të ecim drejt kompromisit dhe marrëveshjes.
Por,kompromisi do të thotë që ne si njerëz dhe familje të etiketuara,pothuajse tash 140 vjet si armiq edhe kësaj herë të bëjmë lëshime dhe idealet tona ti shtyjmë,për hir të unitetit edhe 4 vjet.
Megjithse kjo është pasuria jonë e vetme,e trashiguar ne prap se prap jemi të gatshëm edhe kësaj here të sakrifikojmë,mirpo,presim nga ju që postet dhe privilegjet që i keni pasë në 4 vjeçarin e fundit,të delni publikisht e t’ju tregoni Malësorve,se nuk  kanë pasë sukses edhe nëse veprat tuaja janë konkurente për fitimin e çmimit “Guiness”,si për shembull se në një shtet egziston një zëvëndës drejtor,por në atë institucion punon vetëm një punonjës të komunitetit të zëvëndës drejtorit.
Ose,në një shtet egziston një drejtor ku për çdo moszbatim të ligjit në atë shtet,prindit dhe nxënësit duhet të çojnë në grevë për të drejtat e tyre.
Të nderuar miq,
Siç e shihni ne jemi të gatshëm,që në emër të kompromisit dhe bashkimit të sakrifikojmë dhe shtyjmë çdo jë që kemi e ato janë idealet tona kombëtare.
Prandaj,presim nga ju që në emër të kompromisit të sakrifikoni vetëm një gjë të vogël,e ato janë postet tuaja aktuale.
Jemi të vetdijshëm se ndoshta është rasti dhe koha që sipas jush,të na asgjesoni,mirpo ne nuk na intereson as numrat,as postet,por na interesojnë idealet edhe nëse kësaj here do të na zhdukni politikisht (por edhe kur të ndodh që të zhdukemi fizikisht),prapë aty na kini,dhe hija jonë do të ju ndjekë.
Prandaj,në emër të unitetetit ju ftoj që të gjithë të bëjmë lëshimet tona dhe të ulemi e të gjëjmë kompromisin dhe të falum sëbashku në zgjedhje dhe të fitojmë pushtetin në komunën e Malësisë.

Ju faleminderit me respekt,
Lucë Junçaj